XXIV Concurso de Barcanas e Castelos de Area en Malpica

A Praia de Area Maior de Malpica acollerá o venres 21 de agosto de 2026 o XXIV Concurso de Barcanas e Castelos de Area, unha cita para gozar da creatividade na praia e dunha tradición estival moi arraigada no municipio.

Programa

• 10:30 h: inicio dos traballos das persoas inscritas.
• 13:00 h: remate dos traballos na praia.
• 13:05 h: inicio da votación do público.
• 13:30 h: comunicación pública das persoas e/ou grupos gañadores e entrega de premios.

Inscricións

As inscricións poden realizarse no Departamento de Educación e Cultura, situado no primeiro andar do Centro Cívico de Malpica, na rúa Ventorrillo s/n, teléfono 981 707 104. O horario será de 10:30 a 14:00 h do 17 ao 20 de agosto, e o propio 21 de agosto de 10:00 a 10:30 h na Praia de Area Maior.

Cada participante ou grupo poderá presentar unha única obra e os grupos poderán estar formados por un máximo de 10 persoas.

Modalidades e premios

Haberá modalidades amateur, infantil, barcanas e premio especial do público. Concederanse seis premios: tres premios na modalidade amateur, premio especial do público, premio á mellor barcana e premio infantil. Os tres premios amateur inclúen trofeo e vales por valor de 130 €, 70 € e 50 €, respectivamente.

Elaboración das esculturas

As obras deberán realizarse unicamente con area e materiais naturais depositados na praia. Poderanse utilizar ferramentas como pas, cubos ou difusores de auga, aínda que non poderán formar parte da obra. Non está permitido empregar produtos para compactar ou fixar a area, agás auga. Os traballos realizaranse exclusivamente nas zonas balizadas da Praia de Area Maior entre as 10:30 e as 13:00 h.

Organiza o Concello de Malpica de Bergantiños.