Teatro en Vimianzo: “Memorias dun neno labrego”, o clásico de Neira Vilas a escena

Este venres 30, o Auditorio Municipal de Vimianzo acolle unha cita ineludible coa nosa cultura: a representación de “Memorias dun neno labrego”. A partir do libro de Xosé Neira Vilas, esta adaptación chega co texto teatral e a dirección de Cándido Pazó. Unha produción do Centro Dramático Galego e Contra Producións que nos convida a redescubrir a nosa historia a través dunha posta en escena emotiva e próxima.

A función comezará ás 20:30h e subirá ao escenario a un elenco de luxo composto por Xúlio Abonjo, Mónica García, Santi Romay, Ana Santos, Manolo Cortés, Iris Darriba e Federico Pérez. Non perdas a oportunidade de gozar do teatro galego de calidade na túa vila. Agardámoste no patio de butacas!