Simposio en Zas sobre o aproveitamento socioeconómico do liño na Costa da Morte

Este sábado 1 de xuño, o Centro Sociocultural de Zas acolle o simposio “O liño e as iniciativas emprendedoras transformadoras: estratexia para un desenvolvemento sostible na Costa da Morte”, un evento que reunirá expertos de primeiro nivel para reflexionar sobre o potencial socioeconómico desta fibra natural.

Organizado polo Concello de Zas e o Consello da Cultura Galega en colaboración coa Universidade da Coruña, o simposio explorará novas oportunidades para revitalizar a industria do liño na Costa da Morte, promovendo o emprendemento transformador e a sustentabilidade no rural galego. A xornada inclúe relatorios de expertos da GAIN, da USC e da UDC, e culmina cunha mesa redonda con axentes do sector.

A actividade comezará ás 11:00 h, é de acceso libre e está aberta a toda a veciñanza e persoas interesadas. Unha oportunidade única para afondar nun recurso tradicional con futuro innovador e sostible.