Semana Grande da Poesía en Cee 2026

A Semana Grande da Poesía en Cee 2026 celebrarase do luns 3 ao sábado 8 de agosto con seis recitais poéticos en distintas prazas e espazos da vila.

A programación conmemora o 30 aniversario do Batallón Literario da Costa da Morte e forma parte das actividades previas á entrega do I Certame de Poesía e Relato Curto Batallón Literario da Costa da Morte.

Programa da Semana Grande da Poesía en Cee 2026

• Luns 3 de agosto: ás 20:30 h na Fundación Fernando Blanco, recital con Modesto Fraga, María Canosa e Ainhoa Conde.
• Martes 4 de agosto: ás 20:30 h no Monumento aos defensores das liberdades, recital con Marilar Aleixandre, Rafa Vilar e Rosalía Fernández Rial.
• Mércores 5 de agosto: ás 20:30 h na Praza Ketty Quintana, recital con María Lado, David Creus e Xaime Trillo.
• Xoves 6 de agosto: ás 20:30 h na Praza de Concha Blanco, recital con Miro Villar, Concha Blanco e Alexandre Nerium.
• Venres 7 de agosto: ás 20:30 h na Praciña do Olvido, recital con Xosé Iglesias, Suso Bahamonde e Roberto Traba Velay.
• Sábado 8 de agosto: ás 13:00 h na Praza da Constitución, recital con Mónica Góñez, Moncho Bouzas e Rocío Leira.

Seis xornadas para encher de poesía as rúas e prazas de Cee e celebrar tres décadas de creación literaria na Costa da Morte.