Semana das Bibliotecas 2025 en Cee

A Biblioteca Municipal Francisco Mayán de Cee celebra do 22 ao 24 de outubro a súa tradicional Semana das Bibliotecas, con actividades pensadas para todos os públicos e co obxectivo de fomentar a lectura e o amor polos libros.

Durante toda a semana poderase visitar a exposición bibliográfica “Libros sobre Bibliotecas”, e tamén levar libros expurgados para darlles unha segunda vida.

• O mércores 22 de outubro ás 18:00 h, terá lugar un Contacontos Sensorial para bebés de 0 a 36 meses, impartido por Eduvia.
• O venres 24 de outubro ás 19:00 h, celebrarase o obradoiro creativo “A viaxe do libro”, impartido pola editorial Cuarto de Inverno, dirixido a mozos a partir de 12 anos, adultos e persoas maiores de 65 anos.

Todas as actividades son gratuítas e requiren inscrición previa na Biblioteca de Cee.