Presentación da novela xuvenil “A princesa Dourada” en Camelle

O Museo de Man de Camelle acollerá o <strongsábado 20 de decembro de 2025 ás 18:00 h a presentación de “A princesa Dourada”, a primeira novela do escritor camellán Anxo Mouzo Moreira, publicada por Boadicea Editora. Un encontro coas letras xuvenís no que coñecer de preto esta nova aposta pola fantasía feita desde a Costa da Morte.

“A princesa Dourada” mestura a vida cotiá de Xosé e Marica, dous veciños de Camelle que viven porta con porta, cunha aventura épica no reino de Nihá. No día en que Marica cumpre quince anos descóbrese que é a princesa exiliada deste reino, expulsada pola malvada raíña demo Hangyo. Xosé decidirá acompañala para axudala a recuperar o trono, nunha historia de amizade, valor e identidade. No acto intervirá tamén o editor José Manuel Dopazo, que acompañará ao autor, gañador do premio do público no III Certame de Microrrelatos Aliteraclara.