Naufraxio de Laxe 2025

O Naufraxio de Laxe 2025 celebrarase o 17 de agosto, coincidindo coa procesión marítima da Virxe do Carme, patroa dos mariñeiros. Tras a misa solemne, a imaxe percorrerá as rúas e o porto da vila para dar comezo á representación do naufraxio, unha tradición instaurada en 1962 polo mariñeiro Avelino Lema Santos, que ao longo da súa vida sobreviviu a tres naufraxios.

Na recreación, os mariñeiros simulan volver de faenar ata que a súa embarcación afunde, obrigándoos a nadar ata a beira, onde a Virxe os “rescata”. Entre aplausos e emoción, entoan a “Salve Mariñeira” e completan a procesión levando a imaxe de volta á igrexa. Unha das celebracións máis singulares da Costa da Morte, que combina fe, tradición mariñeira e espectáculo visual.