Mercado de Nadal na Fin da Terra 2025 en Fisterra

O Mercado de Nadal na Fin da Terra 2025 en Fisterra celebrarase o sábado 20 de decembro cunha xornada completa de música, literatura, xogos e ambiente festivo. Dende as 12:00 h, coa apertura dos postos e o concerto infantil “As Aventuras de Jazzy e Blusy”, a praza encherase de propostas para toda a familia, incluíndo un stand de xogos populares e unha sinatura de libros con destacados autores e autoras da Costa da Morte, cuxas vendas terán carácter solidario.

Ao longo do día haberá sesión vermú coa charanga “O Rumbo”, recepción de Papá Noel para os máis pequenos, un recital de poesía aberto á participación do público, panxoliñas co Coro Nosa Señora do Carme, batucada de “Rapacollón’s Big Band”, actuación da agrupación de pandeiretas “Os do Berrón” e a charanga “A Tripulasión” para pechar a festa antes do peche do mercado ás 21:00 h. Un plan perfecto para gozar do Nadal no corazón de Fisterra.