Escape Room “As Sombras do Tempo” 2025 nas Torres do Allo

Do 4 de xullo ao 15 de setembro regresa o popular Pazo Escape das Torres do Allo, unha vivencia de escape room deseñada polo Concello de Zas para descubrir a historia e os segredos do pazo máis antigo de Galicia a través do xogo de escapismo “As Sombras do Tempo”.

Poderás participar de luns a sábado ás 16:00 h, co límite estrito de 60 minutos para resolver todas as probas e fuxir do pazo. Está dirixido a público adulto en grupos de 2 a 5 persoas, garantindo unha inmersión completa nas lendas, misterios e espazos históricos das Torres do Allo.

A actividade é gratuita, pero é imprescindible reservar: envía un correo a info@torresdoallo.gal indicando nome, número de participantes, teléfono, correo electrónico e día desexado. A organización confirmará a túa reserva por email. Recoméndase traer roupa e calzado axeitados, e paraguas en caso de chuvia, posto que parte do percorrido discorre no exterior.