Concerto de Alana en Vimianzo

O Concerto de Alana en Vimianzo levará á cúpula de Nadal da Praza do Concello un directo cheo de enerxía e raíz. O sábado 20 de decembro, ás 21:00 horas, o trío formado por Antía Vázquez, Eloy Vidal e Pablo Castro presentará o seu particular universo sonoro, no que a música tradicional galega se mestura con ritmos de base electrónica e pop, a partir dun traballo de recollidas e de recuperación da memoria musical de moitas mulleres e homes.

Baixo a cúpula de Nadal e dentro da programación do Nadal 2025 organizado polo Concello de Vimianzo, o público poderá escoitar temas do seu disco O xeito á cántigha e outras pezas nas que se combinan pandeiretas, percusión, gaita e electrónicas contemporáneas. Un concerto para sentir a tradición galega en clave actual e vivir unha noite moi especial no corazón de Vimianzo.