Comarea 2025 en Muxía

A música e o mar volverán unirse en Muxía coa chegada dunha nova edición de Comarea 2025, o festival que enche o inverno de ritmo, enerxía e sabor atlántico. Do 4 ao 7 de decembro, a vila muxiá converterase nun gran escenario onde soarán estilos tan diversos como o rock, o funk, a electrónica ou os ritmos do mundo.

Nesta edición, o cartel promete emoción e moita festa con artistas e bandas como Antela, Balklavalhau, Pulpiño Viascón, Skanderani Band, Bonita & Sabrosa, Carabela, Carlangas, Coco María, Raz & Afla e Zars B. Unha mestura perfecta para bailar, compartir e vivir a música á beira do mar.

As entradas para os concertos de pago estarán dispoñibles a partir do luns 27 de outubro ás 12:00 h, e como sempre, haberá tamén actividades e sesións abertas ao público.