8M 2026 en Dumbría: Abrindo camiños en igualdade

O 8M 2026 en Dumbría: Abrindo camiños en igualdade chega cunha campaña que convida a reflexionar, compartir e seguir avanzando xuntas cara a unha sociedade máis xusta. Baixo este lema, o concello propón varias accións pensadas para poñer o foco nas mulleres, na memoria e na igualdade real no día a día.

Ao longo de todo o mes de marzo, o 8M 2026 en Dumbría: Abrindo camiños en igualdade combinará divulgación histórica, expresión artística e xestos simbólicos que implican a toda a veciñanza. Unha oportunidade para abrir novos camiños e recoñecer o papel das mulleres, desde a Antigüidade ata hoxe.

• Teatralízate: obradoiro de teatro para mulleres
  Venres 27 de febreiro, ás 16:40 h. Obradoiro dirixido ás nais e mulleres das familias do alumnado do CEIP Plurilingüe Santa Eulalia de Dumbría. Un espazo de sororidade, entretemento e diversión para expresarse, gañar confianza e compartir experiencias.
• Xornadas “As Mulleres na Antigüidade”
  Ciclo divulgativo impartido por Nieves García Centeno, xornalista e historiadora con raíces en Buxantes. Desenvolverase os días 7, 14, 21 e 28 de marzo, ás 11:30 h, nas Instalacións Municipais do Conco (Dumbría). Analizarase o papel das mulleres no Antigo Exipto, Roma, Grecia e o mundo celta, rompendo tópicos e poñendo en valor o seu legado.
• Reparto de abridores conmemorativos
  Distribución de abridores coa imaxe da campaña “Abrindo camiños en igualdade” nas oficinas municipais, ata esgotar existencias. Foron elaborados pola asociación Íntegro de persoas con diversidade funcional da Costa da Morte, sumando inclusión e economía social á conmemoración do 8M.