6º Campus Deportivo Concello de Cabana de Bergantiños

O 6º Campus Deportivo Concello de Cabana de Bergantiños desenvolverase na Praia do Pendón do 1 de xullo ao 14 de agosto, de luns a venres, en horario de 10:00 a 14:00 horas. A actividade está dirixida a nenos e nenas de 8 a 16 anos, nados entre o 2010 e o 2018, ambos incluídos.

O campus ofrecerá unha programación moi variada con voleibol, fútbol, balonmán, rugby, ximcanas, deportes de praia, buscas do tesouro, break out, xogos musicais, kaiak, xogos de auga e sendeirismo, entre outras propostas. Unha oportunidade perfecta para desfrutar do verán ao aire libre, practicar deporte e compartir experiencias nunha contorna privilexiada como a praia do Pendón.

As quendas serán do 1 ao 15 de xullo, do 16 ao 31 de xullo e do 3 ao 14 de agosto. O prezo é de 15 € por quenda, con prezo reducido de 11,25 € para familias monoparentais, menores con grao de discapacidade superior ao 33% e cando asistan varios irmáns, a partir do segundo. A inscrición estará aberta do 10 ao 19 de xuño a través de https://cabana.gal/inscricionactividades2026/. É requisito imprescindible ter o carné de actividades debidamente actualizado.